Ffenest gyllido Adnodd Chwefror 2026

Mae ffenest gyllido Adnodd Chwefror 2026 nawr ar agor

Mae’r cylch comisiynu yma ar gyfer prosiectau sy’n cefnogi dysgu ac addysgu yn y meysydd canlynol: 

• Hanes Cymru 

• Gwrth-hiliaeth 

• Hawliau Dynol (14-19 oed) 

Rydyn yn ariannu adnoddau newydd sydd: 

• yn ddwyieithog (fersiwn Cymraeg a Saesneg) 

• am ddim i’w defnyddio 

• wedi eu datblygu ac ar gael i’w defnyddio erbyn y 1af o Fawrth 2027 

• yn cyd fynd â ethos y Cwricwlwm i Gymru ac un neu fwy o feysydd ffocws cyfredol Adnodd; llythrennedd, tegwch a gwrth-hiliaeth, a llesiant. 

Mae’r rownd gomisiynu hon yn cynnig cyfleoedd cytundebol sylweddol, ac rydym yn croesawu ceisiadau ar gyfer fformatau digidol yn unig neu gyfuniad o fformatau digidol a print. 

Er mwyn sicrhau bod adnoddau o’r ansawdd uchaf, yn gywir, yn berthnasol, yn hygyrch, ac yn apelgar, rydym yn annog cyflenwyr i archwilio cyfleoedd i gydweithio gydag ystod eang ac amrywiol o randdeiliaid. 

Amserlen arfaethedig: 

2026  

• Diwedd mis Ionawr: Cynhaliwyd digwyddiad gwybodaeth (sleidiau a chwestiynau cyffredin ar gael isod)

• Dechrau mis Chwefror: Tendrau wedi’u cyhoeddi drwy porth Proactis 

• Canol mis Mawrth: Dyddiad cau tendrau 

• Diwedd mis Ebrill: Cytundebau wedi’u dyfarnu 

2027  

• 1af o Fawrth: Cwblhau prosiectau 

Bydd angen i Gyflenwyr sydd â diddordeb yn ffenestr gyllido’r gwanwyn ymateb i’r Gwahoddiad i Dendro a gaiff ei gyhoeddi w/c 9 Chwefror 2026.  Mae hwn yn gyfle ar wahân i’r Fframwaith Caffael a bydd y ddau yn ymddangos fel cyfleoedd wedi eu rhestru ar wahân ar Proactis.  

Tanysgrifiwch i’n cylchlythyr i glywed mwy.