English

Y Cyfieithwyr Blinedig

Illustration of a girl using a laptop with a daffodil sticker, surrounded by schoolwork and speech bubbles showing cultural and creative symbols. Two small red dragons sit on her shoulders as she works. Darlun o ferch yn defnyddio gliniadur gyda sticer cenhinen Bedr, wedi’i hamgylchynu gan waith ysgol a swigod sgwrs sy’n dangos symbolau diwylliannol a chreadigol. Mae dau ddraig goch fach yn eistedd ar ei hysgwyddau tra mae’n gweithio.

Mae Cyfieithwyr Blinedig yn ymarferwyr cyfrwng Cymraeg ymroddgar sy’n addasu adnoddau’n gyson ar gyfer eu dysgwyr. Oherwydd prinder deunyddiau Cymraeg o ansawdd da y gellir eu haddasu, maen nhw’n treulio amser gwerthfawr yn cyfieithu ac yn ailwampio cynnwys – yn aml gan ddyblygu ymdrechion ymarferwyr eraill. Maen nhw’n ymarferwyr dyfeisgar a dyfal, ac yn defnyddio’u rhwydweithiau ac offer digidol i leihau‘r baich, ond mae’r broses yn dal i fod yn llafurus.

Yn ôl ein hymchwil, gallai’r defnyddwyr yma fod yn:

  • Dibynnu ar fformatau y gellir eu golygu (e.e. PowerPoint, Google Docs) i addasu adnoddau’n gyflym ac yn effeithiol.
  • Buddsoddi cryn dipyn o amser yn cyfieithu cynnwys Saesneg oherwydd diffyg adnoddau Cymraeg.
  • Rhannu ac yn dod o hyd i ddeunyddiau drwy rwydweithiau proffesiynol fel grwpiau WhatsApp a gyriannau’r ysgol.
  • Defnyddio offer AI (e.e. Copilot) i hwyluso a chyflymu’r broses gyfieithu pan fo amser yn brin.

Eu hadnoddau arferol

Mae Cyfieithwyr Blinedig yn ymarferwyr cyfrwng Cymraeg sy’n addasu adnoddau Saesneg yn rheolaidd i ddiwallu anghenion ieithyddol a diwylliannol eu dysgwyr. Maen nhw’n defnyddio platfformau fel Hwb, Twinkl a TES i gael ysbrydoliaeth, ond mae’r rhan fwyaf o’r adnoddau angen eu haddasu. Mae fformatau y mae modd eu golygu yn hanfodol, ac mae offer fel Canva, PowerPoint a Google Docs yn cael eu defnyddio i ailwampio neu gyfieithu cynnwys. Mae rhwydweithiau rhannu proffesiynol – fel grwpiau WhatsApp neu yriannau’r ysgol – yn ffynonellau hollbwysig ar gyfer adnoddau sydd wedi’u cyfieithu neu eu hadd