Cyfleoedd yn y farchnad agored

Bydd y cyfleoedd comisiynu sydd ar gael yn cefnogi addysgu a dysgu yn y meysydd canlynol: 

• Tegwch, gwrth-hiliaeth a llesiant 

• TGAU a chymwysterau cysylltiedig, yn benodol pynciau Ton 2 

Mae’r cylch comisiynu hwn yn cynnig cyfleoedd contractio sylweddol. 

Er mwyn helpu i sicrhau bod adnoddau o ansawdd uchel, yn gywir, yn berthnasol, yn hygyrch ac yn ennyn diddordeb , rydym yn annog ymgeiswyr i gydweithio ag amrywiaeth eang o randdeiliaid. 

Tendr tegwch, gwrth-hiliaeth a llesiant 

Byddwn yn edrych i ariannu adnoddau newydd sydd: 

• yn ddwyieithog (fersiynau Cymraeg a Saesneg) 

• ar gael i’w defnyddio yn rhad ac am ddim 

• mewn fformat digidol yn unig neu’n cyfuno print a digidol 

• wedi’u datblygu ac yn barod erbyn 30 Medi 2027 

• yn cyd-fynd ag ethos Cwricwlwm i Gymru ac un neu ragor o feysydd ffocws presennol Adnodd: llythrennedd, tegwch a gwrth-hiliaeth, a llesiant. 

Tendr TGAU 

Byddwn yn edrych i ariannu adnoddau newydd sydd: 

• yn ddwyieithog (fersiynau Cymraeg a Saesneg) 

• mewn fformat print 

• â phris manwerthu argymelledig (RRP) cystadleuol a fforddiadwy 

• wedi’u datblygu ac yn barod erbyn 1 Tachwedd 2027 

• wedi’u mapio’n uniongyrchol i fanylebau CBAC 

• yn cyd-fynd ag ethos a gweledigaeth Cwricwlwm i Gymru 

• yn darparu cwmpas cynhwysfawr o gynnwys y cymhwyster i gefnogi dysgwyr ym Mlwyddyn 10 ac 11 wrth iddynt baratoi ar gyfer eu TGAU a chymhwyster cysylltiedig. 

Bydd rhagor o wybodaeth, gan gynnwys manylion y sesiynau gwybodaeth ar-lein, yn cael ei chyhoeddi ar borth Proactis ac ar ein gwefan ganol mis Medi. 

I gyflenwyr sydd wedi’u cofrestru ar ein fframwaith caffael, gweler gyfleoedd ychwanegol yma.