Adolygiad annibynnol o adnoddau a rhaglenni llythrennedd yng Nghymru (2026)

Llythrennedd yng Nghymru: Adolygiad o dystiolaeth ynghylch hybu llythrennedd, diddordeb mewn darllen, a’r adnoddau sydd ar gael 

Cafodd yr ymchwil ei gynllunio er mwyn gwella ein dealltwriaeth o dirwedd bresennol yr adnoddau llythrennedd a ddefnyddir gan ddysgwyr ac ymarferwyr yng Nghymru. 

Archwiliodd yr astudiaeth y dystiolaeth ar raglenni ac ymyriadau llythrennedd effeithiol, a’r ffyrdd y mae plant a phobl ifanc, ymarferwyr, rhieni a gofalwyr yn mynd ati’n ymarferol i gymryd rhan mewn cynlluniau llythrennedd. 

Mae’r ymchwil yn cyd-fynd â gwaith ehangach Adnodd, sef helpu i ddatblygu adnoddau addysgol o ansawdd da yn y Gymraeg a’r Saenseg, a’r rheini’n adnoddau sy’n hawdd i’w haddasu a’u defnyddio. Yng nghyd-destun llythrennedd, mae hyn yn cynnwys adnoddau sy’n cefnogi‘r Cwricwlwm i Gymru, yn ymateb i anghenion gwahanol dysgwyr ac yn helpu i greu’r amodau i blant a phobl ifanc ddatblygu fel darllenwyr, awduron a chyfathrebwyr galluog, hyderus a brwd.  

Canolbwyntiodd yr astudiaeth ar ddau faes cysylltiedig:    

1. Archwilio’r dystiolaeth bresennol ar adnoddau, ymyriadau a rhaglenni llythrennedd, gan gynnwys dulliau sydd â’r nod o wella deilliannau llythrennedd mewn gwahanol oedrannau a chyfnodau.   
2. Archwilio profiadau ymarferol defnyddwyr o gynlluniau llythrennedd.

Diolch i’r sefydliadau a’r unigolion canlynol am eu cyfraniad gwerthfawr at yr ymchwil hwn:        

1. BookTrust Cymru 
2. CAL:ON Cymru, Prifysgol Bangor 
3. Caru Darllen, Prifysgol Caerdydd 
4. Connor Allen 
5. Cyngor Llyfrau Cymru 
6. Dangos y Cerdyn Coch i Hiliaeth 
7. Dysgu 
8. Ein Llais Ni, Prifysgol Bangor 
9. Estyn 
10. Y Ganolfan Dysgu Cymraeg Genedlaethol
11. Gwasg Carreg Gwalch 
12. Llenyddiaeth Cymru  
13. Llyfrgelloedd ac archifau, Llywodraeth Cymru 
14. Peniarth 
15. S4C  
16. Sion Tomos Owen 

Darllenwch yr adroddiad llawn yma: