Ail-safoni’r Prawf Darllen Cymraeg

Rydym yn chwilio am ymarferwyr ac ysgolion i'n helpu i ail-safoni'r prawf darllen Cymraeg safonedig drwy osod dau fersiwn o’r prawf i garfan o ddysgwyr yn eu hysgolion.

A group of children and an adult hold hands and balance together inside a large glowing shape filled with stars, on a turquoise background | Mae grŵp o blant ac oedolyn yn dal dwylo ac yn cydbwyso gyda’i gilydd y tu mewn i siâp mawr sy’n disgleirio ac yn llawn sêr, ar gefndir tyrgwis.

Mae Prifysgol Caerdydd yn gweithio i ail-safoni’r Prawf Darllen Cymraeg Safonedig.

Yn y prawf gwreiddiol, mae’r sgorau safonedig yn seiliedig ar sgorau gan 840 o ddysgwyr o’r De Ddwyrain. Bydd y fersiwn newydd yn seiliedig ar dros 4500 o ddysgwyr.

Bydd ail-safoni yn golygu, felly:

y bydd modd mesur cywirdeb darllen, ei fonitro, ac adrodd arno drwy dderbyn sgorau safonedig manylach ynghyd ag oedrannau darllen;

y bydd sgorau dysgwyr yn cael eu cymharu â normau sy’n seiliedig ar ddysgwyr dros Gymru yn hytrach na dysgwyr o’r De Ddwyrain yn unig.

Rydym yn chwilio am athrawon ac ymarferwyr ledled Cymru i’n helpu drwy osod dau fersiwn o’r prawf o fewn mis i’w gilydd i garfan o ddysgwyr yn eu hysgolion.

Mae’r prosiect yn chwilio am ddysgwyr Blynyddoedd 1-11 i gymryd rhan rhwng mis Chwefror-Mawrth neu Ebrill-Mai 2026. Bydd ysgolion yn derbyn talebau llyfrau gwerth £5 i bob dysgwr sy’n cwblhau’r ddau brawf.

Bydd eich cefnogaeth yn sicrhau bod gennym adnodd Cymraeg o’r ansawdd uchaf i asesu cywirdeb darllen am flynyddoedd i ddod.

Mynegwch ddiddordeb yma: