Canllawiau astudio ac adolygu newydd ar gyfer pob pwnc TGAU

Mae’r canllawiau hyn ar gael i ysgolion a theuluoedd eu prynu i gefnogi adolygu ar lefel TGAU. Wedi’u cymeradwyo gan Gyd-bwyllgor Addysg Cymru (CBAC), maent yn cyd-fynd â’r TGAU newydd Ton 1 ac yn darparu cymorth ychwanegol i ddysgwyr wrth iddynt baratoi ar gyfer eu cymwysterau.

Dywedodd Emyr George, Prif Weithredwr Adnodd:

“Rydym yn falch iawn y bydd dysgwyr yng Nghymru bellach yn cael mynediad at ystod ehangach o ganllawiau astudio ac adolygu o safon i’w cefnogi ar eu taith TGAU. Diolch i gefnogaeth ariannol Adnodd, bydd canllawiau poblogaidd a fforddiadwy Extend Education a oedd ar gael yn wreiddiol yn uniaith Saesneg ar gyfer y pynciau mwyaf poblogaidd yn unig, bellach ar gael yn Gymraeg a Saesneg ymhob un o bynciau Ton 1 y TGAU newydd.”

Mae sawl pwnc wedi’u cyhoeddi ac ar gael i’w prynu, gyda mwy ar y ffordd.

Gallwch archwilio’r ystod lawn o ganllawiau astudio ac adolygu ar wefan Extend Education. Gall ysgolion hefyd eu prynu trwy eu cyfrif ar y platfform prynu llyfrau ffolio.cymru.