Hanes Cymru ar Hwb

Yn dilyn sgyrsiau cyffrous gydag ysgolion ac arbenigwyr ar draws Cymru, mae Adnodd yn mynd i fod yn comisiynu a chyhoeddi ystod eang o adnoddau Hanes newydd i gyd-fynd gyda’r Cwricwlwm i Gymru.

Ac mae cam gyntaf y broses yma wedi cyrraedd.

Yn fyw ar Hwb nawr, mae’r casgliad ‘Hanes Cymru’ yn ei wneud yn haws nag erioed i ddarganfod yr holl adnoddau Hanes Cymru sydd ar gael yn rhad ac am ddim.

Mae adnoddau gan y Llyfrgell Genedlaethol, Amgueddfa Cymru a’r BBC i gyd nawr mewn un man cyfleus, a dyma le fydd yr holl adnoddau newydd yn glanio yn y dyfodol.

Chwiliwch ‘Hanes Cymru’ ar Hwb i ddarganfod mwy, a chadwch lygaid allan am y cyhoeddiadau cyffrous am adnoddau newydd dros y misoedd nesaf.