Cyfarfod Bwrdd Adnodd: 14 Gorffennaf 2023
Darllenwch gofnodion cyfarfod Bwrdd Adnodd a gynhaliwyd ar 14 Gorffennaf 2023. Ymhlith y pynciau dan sylw roedd llywodraethu, cynlluniau comisiynu, materion ariannol a’r camau nesaf wrth i Adnodd barhau i dyfu a chefnogi dysgwyr ac ymarferwyr ledled Cymru.
- Cyhoeddwyd yn wreiddiol
- Diweddarwyd ddiwethaf
Yn bresennol
- Gethin Davies, Cadeirydd (GD)
- Lesley Bush (LB)
- Sioned Roberts (SR)
- Lucy Thomas (LT)
- Nicola Wood (NW)
- Huw Jones (HJ)
- Owain Lloyd (OL)
- Ann Evans (AE)
- Elliw Roberts (ER)
- Bethan Webb, Llywodraeth Cymru (BW)
1. Croeso ac ymddiheuriadau
Croesawyd pawb i’r cyfarfod.
2. Datganiadau o fuddiant
NW – mewn perthnasedd a diogelwch data, mae’n aelod o’r ICO.
3. Cofnodion y cyfarfod diwethaf
Cytunwyd bod y cofnodion yn adlewyrchiad teg a chywir o’r cyfarfod.
Trafodwyd y pwyllgorau sydd eisoes wedi’u cytuno a nodwyd y byddai’r Pwyllgor Tâl yn newid i fod yn Bwyllgor AD a Chyllid.
Nodwyd pryder aelodau ARAC nad oes gan Adnodd gyfrifydd cymwysedig ar y Bwrdd.
Mae Llywodraeth Cymru wedi ymrwymo i benodi fwy o aelodau erbyn yr hydref.
Gallai’r Bwrdd ystyried caffael gwasanaethau aelod annibynnol i gadeirio ARAC, ond o wneud hynny byddai’r aelod hwnnw ddim yn aelod llawn o’r Bwrdd ac felly ddim yn gallu eistedd ar y Bwrdd llawn na’r Pwyllgor AD a Chyllid.
Cytunwyd bod sgôp i hysbysebu am ddau aelod i’r Bwrdd i gwrdd â gofynion cyllid ac amrywiaeth.
Gwnaed sylw ei fod yn arferol i Gadeirydd y Pwyllgor Awdit a Risg fod yn derbyn tâl uwch oherwydd natur arbenigol y swydd. O ystyried na fu’r ymgyrch recriwtio diwethaf yn llwyddiannus a bod angen yr arbenigedd yma er mwyn sicrhau cydymffurfiaeth y Bwrdd, gofynnwyd a fyddai modd ystyried graddfa tâl uwch ar gyfer y rôl hon.
Gweithred: Swyddogion Llywodraeth Cymru i drafod gyda’r Uned Penodiadau Cyhoeddus a chynnig cyngor.
4. Diweddariad Tîm Gweithredol
Rhannwyd papur yn amlinellu cynnydd yn y chwarter cyntaf o’r flwyddyn ariannol o flaen llaw i’r cyfarfod.
Rhoddwyd diweddariad pellach ar rai materion penodol:
Caffael
Cymeradwyaeth wedi ei dderbyn i ddyfarnu yn uniongyrchol y contract gwasanaeth caffael i gwmni Curshaw.
Gwaith ymgysylltu
- Holiaduron ar lein bellach yn fyw gyda hysbysebion ar sianeli cyfryngau cymdeithasol.
- Fideos byr am Adnodd hefyd wedi eu cynhyrchu a’u rhannu ar y cyfryngau cymdeithasol.
- Bydd ‘show reels’ yn cael eu creu i egluro amserlen Adnodd er mwyn rheoli disgwyliadau rhanddeiliaid. Tîm Gweithredol i rannu linciau gydag aelodau.
- Cyfarfodydd gyda Cymwysterau Cymru a CBAC yn mynd rhagddynt. Byddwn angen yn sicrhau bod ein negeseuon yn cyd-fynd er mwyn rheoli disgwyliadau a bod negeseuon cyson yn cael eu rhannu.
5. Cylch Gorchwyl y Bwrdd
Holwyd am y nifer ar gyfer cworwm a nodir yn y ddogfen a’r manylion ym mharagraff 5.5.
Y Tîm Gweithredol i ddiweddaru’r ddogfen yn dilyn adborth y Bwrdd a chyflwyno ail ddrafft yng nghyfarfod 22 Medi 2023.
6. Polisïau
Cydnabuwyd maint y gwaith yn llunio’r polisïau ac mai dros dro yn unig yw rhai er mwyn sicrhau llywodraethiant effeithlon yn ystod y cyfnod sefydlu.
Nodwyd bod polisïau AD yn rhoi rôl benodol i’r Pwyllgor Awdit a Risg yn y cyfnod dros dro, ond bod angen cofio mai rôl y Pwyllgor Awdit a Risg yw sicrhau bod Adnodd yn gweithredu yn ôl ei orchwyl. Bydd angen ail edrych ar y polisïau pan fydd Prif Weithredwr wedi eu penodi ac y bydd staff mewn lle.
7. Diweddariad gan y Pwyllgor Archwilio a Sicrwydd Risg (ARAC)
Cafwyd diweddariad gan y Pwyllgor.
Mae’r Pwyllgor wedi cyfarfod ddwywaith yn ystod y chwarter cyntaf.
Nodwyd bod y Pwyllgor yn pryderu nad oes cyfrifydd cymwysedig ar y Pwyllgor ac nad oes gwasanaeth archwilio mewn lle.
Mae’r Pwyllgor wedi awgrymu y dylid cwblhau asesiad o sgiliau aelodau’r Bwrdd. Tîm Gweithredol i rannu’r ddogfen gyda’r Bwrdd wythnos nesaf.
Mae Cylch Gorchwyl ARAC wedi’i ddrafftio a cynigwyd ei fod yn cael ei gymeradwyo. Nodwyd y bydd angen addasu’r ddogfen ymhen amser i adlewyrchu unrhyw ddyletswyddau ychwanegol o’r polisïau AD os bydd y rhain yn cael eu cymeradwyo.
Nodwyd bod Cofrestr Risg LlC yn fan cychwyn da i Adnodd ond bod angen ail edrych ar sgôr rhai o’r risgiau.
8. Unrhyw fusnes arall
Mae’r hysbyseb am y swydd Prif Weithredwr bellach yn fyw a’r dyddiad cau yw 27 Gorffennaf. Bydd cyfweliadau yn cael eu cynnal ar 14 Medi.
Argymhellodd aelodau i’r wybodaeth am y gwaith ymgynghori gael ei rannu yn ehangach, ee Cynhadledd CYDAG ym Medi. Tîm Gweithredol i drafod gyda’r cwmni cyfathrebu.
Gofynnodd Aelodau’r Bwrdd am gyflwyniad gan y Tîm Gweithredol ar y broses flaenorol o gomisiynu adnoddau a sut y gall pethau gael ei gwneud yn wahanol yn Adnodd. Tîm Gweithredol i drefnu hyn ar gyfer y cyfarfod Bwrdd nesaf.
Nodwyd pryder am y sefyllfa staffio annigonol. Cytunodd y Bwrdd i’r cynnig o hysbysebu secondiad mewnol yn Llywodraeth Cymru yn mis Medi.
- Cyhoeddwyd yn wreiddiol
- Diweddarwyd ddiwethaf