Cais i gyhoeddi adnoddau ar Hwb
Oes gennych chi adnodd a allai gefnogi dysgu yng Nghymru? Os hynny, bydden ni wrth ein boddau’n cael golwg arno!
Yn Adnodd, nid comisiynu cynnwys o ansawdd da yn unig ydyn ni – mae croeso i bobl gyflwyno adnoddau i ni sy’n cyd-fynd â’r Cwricwlwm i Gymru. Bydd yr adnoddau sy’n llwyddiannus yn cael eu cyhoeddi ar Hwb, platfform digidol Llywodraeth Cymru ar gyfer addysgu a dysgu, lle byddan nhw ar gael yn rhad ac am ddim i ymarferwyr, dysgwyr a’u teuluoedd drwy Gymru.
Os oes gennych chi adnodd i’w rannu, fe allwch chi ei gyflwyno gan ddefnyddio’r opsiwn isod. Cyn gwneud hynny, darllenwch y canllawiau ar y dudalen hon i sicrhau bod eich adnodd yn cyrraedd y safonau gofynnol.Byddwn ni’n edrych yn ofalus ar bob adnodd, er na fydd popeth a gaiff ei gyflwyno’n addas i’w gyhoeddi.
Rydyn ni’n croesawu amrywiaeth eang o adnoddau
Rydyn ni’n croesawu adnoddau mewn amrywiaeth eang o bynciau a Meysydd Dysgu a Phrofiad, yn ogystal ag adnoddau sy’n hybu sgiliau trawsgwricwlaidd ac sy’n dod mewn amrywiaeth o fformatau. Er hynny, ein meysydd ffocws strategol yw llythrennedd, tegwch a gwrth-hiliaeth, a byddwn ni’n croesawu’n arbennig adnoddau sy’n edrych ar un neu ragor o’r themâu hyn mewn pwnc.
Dyma rai o’r adnoddau diweddaraf sydd wedi’u cyhoeddi ar Hwb drwy’r broses hon
Adnoddau addysgu amlieithog
Adnoddau addysgu amlieithog ar gyfer dysgwyr cynradd ac uwchradd, sy’n defnyddio gwrthrychau i archwilio Ffrangeg, Almaeneg, Sbaeneg, Cymraeg a diwylliannau byd-eang.
Eich Cynefin: canllaw ymchwil hanes
Mae’r adnodd hwn gan Amgueddfa Cymru yn cyflwyno camau syml a hygyrch i ddysgwyr ymchwilio i’w hanes eu hunain ar-lein.
Cyflwyno adnoddau ar gyfer dyddiadau pwysig
Mae modd i chi wneud cais i gyhoeddi ar Hwb unrhyw bryd. Pan fydd adnoddau’n gysylltiedig â dyddiadau penodol, cyflwynwch eich ceisiadau o leiaf chwe wythnos cyn y digwyddiad dan sylw.
Canllawiau defnyddiol i greu adnoddau o ansawdd da
Efallai mai datblygu deunyddiau newydd ydych chi, neu eich bod yn rhoi graen ar adnoddau sy’n bodoli’n barod. Y naill ffordd neu’r llall, mae’r canllawiau hyn yn rhoi fframwaith clir i’ch helpu i symud o’r syniad cychwynnol i’r fersiynau terfynol. Defnyddiwch nhw i sicrhau bod ansawdd eich holl waith yn dda.
Egwyddorion Sicrhau Ansawdd
Mae ein Hegwyddorion Sicrhau Ansawdd yn egluro’r sylfeini ar gyfer sicrhau bod ansawdd eich gwaith yn dda o’r dechrau’n deg. Maen nhw’n helpu pobl i weithio mewn ffordd gyson, i ddilyn prosesau cadarn, ac i sicrhau bod ansawdd ein holl adnoddau’n dda.
Rhestr Wirio cyn Cyhoeddi
Mae’r Rhestr Wirio cyn Cyhoeddi yn egluro pa feini prawf fydd yn cael eu defnyddio i asesu eich adnoddau cyn eu cyhoeddi. Defnyddiwch y rhestr hon i ofalu eich bod yn cydymffurfio, ac i’ch helpu i gyflwyno adnoddau’n hyderus.
Dolenni defnyddiol
I gael rhagor o wybodaeth am safonau Llywodraeth Cymru ar gyfer cyhoeddi ar Hwb, darllenwch y canllawiau yn y dolenni isod.
Cais i gyflwyno eich adnodd i Hwb
Cyn cyflwyno’ch adnodd, gwnewch yn siŵr eich bod wedi darllen a deall y wybodaeth ar y dudalen hon, ynghyd ag unrhyw ddogfennau canllawiau ategol. Yn ystod y broses ymgeisio, efallai y gofynnir i chi ddarparu tystiolaeth eich bod wedi adolygu a deall y gofynion hyn. Gall ddiffyg tystiolaeth ar y rhan yma atal eich cais rhag symud ymhellach.
Cyflwyno eich cais am adolygiad
Pan fyddwch chi‘n dewis ‘Cyflwyno’ch cais’, byddwch yn cael eich cyfeirio at ffurflen ar–lein. Wrth i chi gwblhau‘r ffurflen, bydd gwiriadau cymhwysedd yn helpu i nodi a yw‘ch adnodd yn cyrraedd y meini prawf gofynnol cyn ei gyflwyno.
Cwestiynau cyffredin
Cadwch mewn cysylltiad â ni
Cewch y newyddion diweddaraf gan Adnodd wrth i ni gefnogi Cwricwlwm i Gymru.
